Subject: 煮公仔麵

Subject: 煮公仔麵

爆左咁多料又軍工電腦/中共亡國/大 Picture/UFO/外星人, 睇到大家精神緊張和興奮感覺不枉此生. 今次同大家講下煮野食, 其實應該叫做煮出前一丁, 但因為公子麵的叫法已經深入民心而且相信已經成為香港人的集體回憶, 所以個主題仍舊叫做 "煮公仔麵".

我這個煮法唔知是否能夠叫做日本正宗, 但就是我多年前的日本女性朋友教我煮的.

首先是準備兩個碗, 一個湯麵用的碗和一個酒樓用的細碗.
然後是開始煲一煲滾水; 在等水煲的過程中把出前一丁湯粉放入細碗, 待水滾後倒入細碗與湯粉做成濃味湯料.
之後把一丁麵放入煲內的滾水等待 2 分 30 秒, 跟住把麵放入湯碗, 之後把細碗濃湯倒入湯碗, 最後才把麻油倒入麵上.
註: 在放入麻油後剛好是 3 分鐘, 一丁麵質入口會有彈牙的感覺, 而濃湯的味道剛好使麵有日本風味.

如果各位是真的想煮公仔麵那麼把公仔麵放入煲內的滾水時間便要有 3 分 30 秒, 比一丁多一分鐘; 因為公仔麵的麵質含蛋比較豐富所以需要多一分鐘來煮.

以上是富有日本風味的煮法, 各位巴絲如有興趣不妨試下.